Gaeilge do sheirbhísí

Read the text and answer the questions.

Thosaigh m'intéirneacht cúraim scéimhe an tseachtain seo caite. Tá an intéirneacht ar siúl i salón áilleachta. Ag an tús, bhí mé ar bís ar fad. Bhí fíorstrus orm freisin maidir le bheith ag obair ar feadh 6 mhí i dtír iasachta.

Chun iompar poiblí a sheachaint, roghnaigh mé árasán a bhí gar do m'intéirneacht. Leis an áit a bhaint amach, téann tú díreach síos an bóthar. Níl le déanamh agam ach siúl deich nóiméad, dhá chrosbhealach a thrasnú, ansin bím ann.

Lá mór a bhí ann Dé Luain, mo chéad lá. D'éirigh mé go luath mar bhí coinne agam ag 7:00 a.m. ag an salón agus ní raibh mé ag iarraidh a bheith déanach. Nuair a shroich mé an áit, bhí an bainisteoir ag fanacht liom. Chuir mé mé féin in aithne agus thug mé mo chomhaontú intéirneachta di.

Tá sí i gceannas ar fhoireann sheisir. Cuireann a salón roinnt seirbhísí ar fáil mar chóireálacha aghaidhe, cúram gruaige, cosmhaisithe agus lámh-mhaisithe, chomh maith le stíleáil gruaige agus smideadh.

Chaith mé mo chéad lá ag an deasc fáiltithe, áit ar bhreathnaigh mé ar an mbainisteoir ag beannú do chliaint agus ag tógáil íocaíochtaí.

Ar an Máirt, chuidigh mé le fostaí cóireálacha aghaidhe a chur ar chliaint. D'fhoghlaim mé conas na cineálacha éagsúla craicinn a aithint: tirim, olúil, mín agus cad iad na táirgí atá le húsáid do gach ceann díobh. Lá teoirice a bhí ann.

Ar an gCéadaoin, bhí sé níos praiticiúla mar chuir mé cóireáil aghaidhe ar chliant. Ghlan mé a chraiceann le huisce agus gallúnach, agus ansin chuir mé masc agus uachtar maothaithe air. Bhí an cliant an-sásta, agus thug sé síneadh láimhe dom.

Ar an Déardaoin, bhí mé leis an ngruagaire. Bhí orm fáilte a chur roimh na cliaint agus a gcuid gruaige a ní le seampú. Caithfidh tú a bheith cúramach le teocht an uisce. Caithfidh sé a bheith bogthe, ní róthe ná rófhuar. Tar éis an ghruaig a ní le seampú, bhreathnaigh mé ar an ngruagaire ag gearradh gruaige le siosúr agus cíor. Ag deireadh an lae, scuab mé an salón ar fad.

Ar an Aoine, d'ullmhaigh mé na táirgí le haghaidh lámh-mhaisithe. Cóireálacha iad seo do na lámha. Bíonn babhla uisce te, olann chadáis agus vearnais ingne ag teastáil. Bhreathnaigh mé ar mo chomhghleacaí ag ullmhú na n-ingne agus á nglanadh agus an vearnais a chur. Cuireann an salón cosmhaisithe ar fáil freisin. Is éard atá i gcosmhaisiú ná cóireáil do na cosa.

Thaitin mo chéad sheachtain ag an salón seo go mór liom. Tugann an fhoireann comhairle dom agus tá mé ag foghlaim go leor. Ach tá sé níos déine ná an scoil. Chuaigh mé abhaile gach tráthnóna agus an-tuirse orm. Táim chun é a thógáil go réidh an chéad deireadh seachtaine seo agus fanacht istigh.

An tseachtain seo chugainn, beidh an bainisteoir as láthair. Beidh mé ag an deasc fáiltithe. Freagróidh mé an teileafón agus glacfaidh mé coinní. Freagracht mhór a bheas ann. Tá súil agam go n-éireoidh go maith liom.