Malti għall-mekkanika u l-elettromekkanika

Lees de tekst en beantwoord de vragen.

L-apprendistat tiegħi tal-mekkanika beda l-ġimgħa li għaddiet. Dan qed isir f'garaxx tal-karozzi. Qabel bdejt, kont eċċitata ħafna. Kont stressjata ħafna wkoll li se naħdem għal 6 xhur f'pajjiż barrani.

Sabiex nevita t-trasport pubbliku, għażilt flat li kien qrib il-post tal-apprendistat tiegħi. Biex tasal hemm, kemm tibqa' nieżel it-triq. Għandi nimxi biss għaxar minuti, naqsam żewġ intersezzjonijiet, imbagħad nasal.

It-Tnejn kienet ġurnata importanti, l-ewwel ġurnata tiegħi. Qomt kmieni għaliex kelli nkun il-garaxx fit-8am u ma ridtx nasal tard.

Meta wasalt l-imgħallem kien qed jistennieni fir-reception. Introduċejt lili nnifsi u tajtu l-ftehim tal-apprendistat tiegħi. Kien ferħan li rani u qalli: "Nispera li jogħgbuk il-karozzi!". 

Hu tani overalls u ingwanti tas-sigurtà, u wara akkumpanjani sal-kamra tal-brejk. It-tim kollu kien qed jixrob il-kafè qabel ma jibda l-ġurnata.

Qattajt dik l-ewwel ġurnata ma' Marc, li huwa mekkanik ta’ esperjenza. Dakinhar filgħodu, urieni kif nibdel it-tajers tal-karozzi b’impact spanner. Urieni wkoll kif inneħħi l-lug nuts biex naqla t-tajer fi ftit sekondi biss. Wara, uża pin punch biex ineħħi l-pads tal-brejkijiet. Waranofsinhar, jiena ppruvajt nagħmel l-istess ħaġa fuq rota oħra. Għall-ewwel kienet xi ftit diffiċli, għaliex dan ix-xogħol kien ġdid għalija. Fortunatament, Marc huwa persuna paċenzjuża ħafna. Tgħallimt ukoll niċċekkja l-pressjoni tal-arja fit-tajers b’manometru u kif tpoġġi l-arja fit-tajers b’kompressur. Huwa pjuttost fiżiku, driegħi kienu għadom muġugħa meta wasalt id-dar filgħaxija.

It-Tlieta, għent fit-tiswija tal-arja kundizzjonata f’karozza. Dan huwa xogħol ta’ preċiżjoni. Trid tiċċekkja l-kejbils, biex tiżgura li l-kompressur jaħdem, toqgħod attent għal tnixxijiet u terġa' timla l-gass. Dan jista' jieħu ħafna ħin.

Fil-jiem ta’ wara, spezzjonajt ħafna karozzi. Din hija verifika obbligatorja biex titħalla tuża l-karozza. Hemm diversi affarijiet li jridu jsiru: tiċċekkja l-livelli taż-żejt, tal-antifreeze u tal-fluwidu tal-brejkijiet. Trid tiċċekkja wkoll il-brejkijiet u x-shock absorbers. Dan jgħin biex jiġu evitati inċidenti!

Vera ħadt pjaċir fl-ewwel ġimgħa tiegħi f'dan il-garaxx. It-tim huwa vera tajjeb u kelli l-opportunità li naħdem fuq tipi differenti ta’ karozzi. Qiegħed nitgħallem ħafna. Imma hija aktar impenjattiva mill-iskola. Kull filgħaxija qed mmur id-dar għajjiena ħafna. Fl-ewwel tmiem il-ġimgħa ser niħodha bilmod u nibqa' ġewwa.

Il-ġimgħa d-dieħla, se nkun qed naħdem direttament fuq il-magni. Se nħares bir-reqqa lejn il-magni biex nidentifika l-problema u nsewwihom.