Hello community!
Од 2001 година, Европската комисија и Советот на Европа го слават Европскиот ден на јазиците на 26 септември.
Ова одбележување има за цел да ја подигне свеста за јазичната разновидност на Европа, да се залага за културно наследство и јазичната разновидност, да го поттикне учењето јазици и да промовира превод, толкување и други професии поврзани со јазикот.
Повеќејазичноста е еден од основните принципи на Европската унија (ЕУ) и клучен елемент на културниот идентитет на Европа. Само ЕУ има 24 официјални јазици, а се проценува дека повеќе од 225 домородни јазици се зборуваат низ целиот континент.
Негувањето и изучувањето на европските јазици помага да се развијат успешни врски меѓу различните лингвистички групи, се промовира меѓукултурното разбирање и се поттикнуваат потолерантни и емпатични општества. Дополнително, зборувањето повеќе јазици ги зголемува вашите шанси да започнете кариера во друга земја на ЕУ. Зарем тоа не е привлечно?
На платформата OLS, имате можност да го направите токму тоа со пристап до курсеви и материјали за да научите до 29 европски јазици! Во текот на септември и октомври, Европската Унија организираше бројни настани на кои можете да учествувате. Погледнете ја листата на активности ТУКА за да видите што се случува околу вас и придружете се на прославите за EDL 2024!
Северна Македонија, мултијазична и мултикултурна земја, гордо го слави Европскиот ден на јазиците заедно со другите европски народи.
Без разлика дали веќе го зборувате македонскиот јазик или сè уште сте на пат да го научите јазикот, прославата е покана да ги истражите убавината и придобивките од повеќејазичноста.
По повод одбележувањето на овој ден беше исцртан мурал како дел од манифестацијата „Цртај на македонски јазик“.
Муралот со наслов „Книги - потсетници на македонскиот збор“ ќе го краси северниот дел на Домот на културата во Демир Хисар. Муралот е дело на ликовната уметница и професорка по ликовна уметност Дијана Колонѓоска и нејзините ученици членови на ликовна секција при СОУ „Гоце Делчев“ Демир Хисар и е посветен на роднокрајните писатели кои со своите дела придонеле за зачувување и афирмација на македонската азбука.
[eng]
Since 2001, the European Commission and the Council of Europe have celebrated the European Day of Languages (EDL) on September 26.
This observance aims to raise awareness of Europe's linguistic diversity, advocate for cultural heritage and linguistic diversity, encourage language learning, and promote translation, interpretation, and other language-related professions.
Multilingualism is one of the founding principles of the European Union (EU) and a key element of Europe's cultural identity. The EU alone has 24 official languages, and it is estimated that more than 225 indigenous languages are spoken across the continent.
Nurturing knowledge of European languages helps develop successful connections between different linguistic groups, promotes intercultural understanding, and fosters more tolerant and empathetic societies. Additionally, speaking multiple languages increases your chances of starting a career in another EU country. Isn’t that appealing?
At OLS, you have the opportunity to do just that by accessing courses and materials to learn up to 29 European languages! Throughout September and October, the European Union has organised numerous events for you to participate in. Check out the list of activities HERE to see what is happening around you and join the EDL 2024 celebrations!
North Macedonia, a multilingual and multicultural country, proudly celebrates the European Day of Languages alongside other European nations.
Whether you're already a speaker of Macedonian or still on the journey to learn the language, the celebration is an invitation to explore the beauty and benefits of multilingualism.
To celebrate this day a mural was drawn as part of the "Draw in Macedonian" event.
The mural titled "Books - reminders of the Macedonian word" will decorate the northern part of the House of Culture in Demir Hisar. The mural is the work of the fine artist and professor of fine arts Diana Kolondjoska and her students - members of the fine arts section at secondary school "Goce Delchev" Demir Hisar and it is dedicated to the native writers who with their works contributed to the preservation and affirmation of the Macedonian alphabet.